අපි උයනකොට ලේසියටත් එක්ක මිරිස් කුඩු, තුනපහ, කහ බෝතල් ටික තියාගන්නේ ලිප ළඟම තියෙන රාක්කේ නැත්නම් ලිප අයිනේ පැන්ට්රි එක උඩනේ. එතකොට හොද්දට මොනවා හරි දාන්න ඕන වුණාම ටක් ගාලා අරන් දාන්න ලේසියි කියලා අපි හිතනවා.
හැබැයි මේ "පහසුව" පිටිපස්සේ අපි නොදැනුවත්වම අපේ පවුලේ අයට "පිළිකා කාරකයක්" කෑමට එකතු කරනවා කියලා ඔබ දන්නවාද? ඇයි ලිප ළඟ කුළුබඩු තියන එක මෙච්චර භයානක? 👇
⚠️ ලිප ළඟ තියෙන කුළුබඩු බෝතලේ ඇතුළේ මොකද වෙන්නේ?
1. රස්නය සහ වාෂ්ප (Heat & Steam): කුළුබඩු කල් තියාගන්න නම් ඒවා "සිසිල් සහ වියළි" තැනක තියන්න ඕනේ. හැබැයි ලිප ළඟ කියන්නේ කුස්සියේ උෂ්ණත්වය සහ තෙතමනය (හුමාලය) වැඩිම තැනයි. ඔබ හොද්දක් නටවනකොට එන වාෂ්පය කෙලින්ම වදින්නේ මේ බෝතල් වලටයි.
2. ඇෆ්ලටොක්සින් (Aflatoxin) නම් මාරයා: ලිපේ රස්නය නිසා බෝතල ඇතුළ රත් වෙනවා. ඒ එක්කම වාෂ්පය නිසා බෝතල ඇතුළේ පුංචි දාඩිය බිංදු හැදෙනවා. මේ උණුසුම්, තෙත් පරිසරය කියන්නේ "Aspergillus" කියන පුස් වර්ගයට හැදෙන්න කියාපු තැනක්. 🦠
මේ පුස් වර්ගය මගින් නිපදවන "ඇෆ්ලටොක්සින්" කියන රසායනිකය ලෝක සෞඛ්ය සංවිධානය පවා තහවුරු කරපු ප්රබල පිළිකා කාරකයක්. විශේෂයෙන්ම අක්මාවේ පිළිකා (Liver Cancer) ඇති කරන්න මේක ප්රධාන හේතුවක් වෙනවා.
3. ඇහැට පේන්නේ නැහැ: භයානකම දේ තමයි, මිරිස් කුඩුවල පාටත් එක්ක මේ පුස් හැදෙනවා අපිට මුලින්ම පේන්නේ නැහැ. ගඳක් එන්නෙත් නැහැ. ඒ නිසා අපි නොදැනුවත්වම හැමදාම මේ විෂ ටික ටික අපේ කෑමට එකතු කරනවා. 🚫👃
🛡️ කුළුබඩු බේරගන්නේ කොහොමද?
තැන මාරු කරන්න: අදම, දැන්ම ලිප ළඟ තියෙන මිරිස්, තුනපහ, කහ බෝතල් ටික අරගෙන ලිපට ඈතින් තියෙන, රස්නය නොවදින සිසිල් කබඩ් එකකට දාන්න. 🚪
උයන වෙලාවට විතරක් ගන්න: උයන්න පටන් ගන්නකොට ඕන බෝතල් ටික විතරක් එළියට ගන්න. පාවිච්චි කරලා ඉවර වුණු ගමන් ආපහු කබඩ් එකට දාන්න. ලිප ළඟ නවත්වන්න එපා.
හුළං නොවදින බෝතල් (Airtight): පුළුවන් තරම් හුළං තද වෙන වීදුරු බෝතල් පාවිච්චි කරන්න.
අන්තර්ජාලය ඇසුරෙන්..
Post a Comment