"වෛද්‍ය නිර්දේශය වූයේ ඇගිල්ල පලා සුද්ද කල යුතු බවයි.." කටුවක් ඇනුනම කවදාවත් මෙහෙම කරන්න එපා.. රම්පා කටුව දවස් 25කට පස්සේ කළ හදියක් ගැන ඇසෙන ඇස් මවිත වෙන කතාව මෙන්න..

ගෙදර දොරේදී අපට සිද්ධවෙන පොඩි පොඩි අනතුරු අපි ඒ තරම් ලොකුටව හිතන්නේ නැහැ.

ඒ වුණත් මේ කියන්න යන්නේ අන්න ඒ වගේ අනතුරක් නිසා වෙච්ච කරදරයක් කියලා කියන්න පුළුවන්.


සමාජ මාධ්‍යයේ සංසරණය වුණු මේ කතාව ඇසුවොත් ඇත්තටම ඔබත් විමතියට පත් වේවි. මේ අන්න ඒ ගැන ඇසෙන ඒ කතාවයි.

ඇනුන රම්පේ කටුවක් දවස් 25කට පසු හමු වීම.
රම්පේ කටුවක් කල හදියක්..
තවත් කෙනෙක්ට නොවෙන්නයි මේක ලියන්න හිතුවේ..
මගේ මහත්තයාගේ දකුණු අතේ මැදගිල්ලේ පලමු හරස් රේඛාවේ රම්පේ කොලේක කටුවක් ඇනෙන්නේ ජනවාරී 09 වෙනිදා.
බැලුවට කටුවක් පෙනෙන්නේ නැහැ.
දවස් 2ක් වගේ යද්දී පොඩිවට පැසවලා වගේ තිබුනම ඒ හරිය මිරිකලා හැරියා.. ලොකු අමාරුවක් තිබුණෙත් නැහැ.
ජනවාරී 24 අසනීප බල්ලෙක් බෙහෙත් කරන්න ගෙනිහින් පෝර බෑග් එකක් උඩ තියලා අරගෙන එනවා.
ජනවාරි 26 වෙද්දී අර කටුව ඇනුන තැන ආයේ ටිකක් වැඩිපුර පැසවනවා.
27 හම, මස් එක්ක සැරව කොටස් අයින් කරනවා. විශබීජක් ඇතුල් වෙලා කියලා ඇන්ටිබයොටික් පටන් ගන්නවා. මෙතැනදී බෙහෙත් කරන්නේ දවසක් හැර දවසක්..

දෙවෙනි සැරේට 29 වෙනිදා බෙහෙත් දානවා. හොද අතට හැරිලා 3වෙනි වතාවට බෙහෙත් දාන්නේ පෙබරවාරි 01 වෙනිදා. තුවාලය තවත් පැසවලා හම බොල් වෙලා. උපරිම මස් කොටස් කැපුවත් විශබීජ තවත් ඇති බව කියනවා.
තවත් පමා වුණොත්, ඇගිල්ල අහිමිවීමේ අවධානම වැඩි නිසා පහුවෙනිදම රෝහල් ගත වී ශල්‍යාගාරයට ඇතුල් කර පිරිසිදු කළ යුතු බවට ලිපියක් දෙනවා.
පෙබරවාරි 02 රෝහල් ගත වෙනවා. ඒ මොහොතෙම එන්නත් මගින් ඇන්ටිබයොටික් ලබා දෙන අතර දියවැඩියාව පාලනයට ඉන්සියුලින් ලබා දෙනවා.
වෛද්‍ය නිර්දේශය වූයේ ඇගිල්ල පලා සුද්ද කල යුතු බවයි. ( ඒ සම්බන්ධ පින්තූරයක් ඇත)
පෙබරවාරි 03 වෙනිදා රාත්‍රියේ ශල්‍යාගාරයට රැගෙන ශල්‍යකර්ම සිදු කරන ලදී.
එහිදී මස් කොටස් සහ සැරව අයින් කරද්දී රම්පේ කටුවත් හමු වෙලා. (මෙන්න ඇනුන කටුව කියා මහත්තයාට පෙන්වා ඇත)
වැදගත් වෙන්නේ මෙන්න මේ කතාව,
කිසිම කටුවක් ඇනුනම මිරිකලා උඩට ගන්න උත්සහ නොකරන්න.
රම්පේ කටුව විස වෙන්න පුළුවන්.
කටුවක් ඇනුනා කියලා දැන ගත්තොත් වෛද්‍ය උපදෙස් පතන්න.
නොසලකා හැරියොත් ඇගිලි අත් පා උවද අහිමි විය හැකි.
මේක අපිට හොද පාඩමක් වුණා.