ලංකාවේ අපි මොනවා උයන්න ගත්තත් ඉස්සෙල්ලම හොයන්නේ පොල්තෙල් ටිකනේ. හැබැයි අපි ගොඩක් වෙලාවට කරන්නේ කඩේට ගිහින් “මුදලාලි තෙල් 500ක් දෙන්න” කියලා ෂොපින් බෑග් එකකට දාගෙන එන එක. එහෙම නැත්තම් කඩේ ඉස්සරහ අව්වේ වේලෙන බෝතල්වල තියෙන තෙල් ගේන එක.
ඔයා ගෙනාවේ ඇත්තටම “පොල්තෙල්” ද? නැත්තම් වස විස ද?
අද කාලේ ලෙඩ රෝග වැඩි වෙන්න මේ තෙල් බෝතලේ ලොකු හතුරෙක් වෙලා තියෙනවා. කඩෙන් තෙල් ගේන්න කලින් මේ දේවල් අනිවාර්යයෙන්ම බලන්න.
1. “ශුද්ධ පොල්තෙල්” ද? “කවලම් තෙල්” ද? 🌴❌ දන්නවාද? ලංකාවේ කඩවල විකුණන බහුතරයක් ලූස් (Loose) පොල්තෙල්වල ඇත්තටම පොල්තෙල් තියෙන්නේ 20%ක් 30ක් විතරයි. ඉතුරු ඔක්කොම පාම් ඔයිල් (Palm Oil) හෝ වෙනත් ලාභ බාල තෙල් වර්ග. මේ කවලම් තෙල් බැදපු ගමන් ඉක්මනට කර වෙනවා, පෙණ දානවා, ඒ වගේම රත් කළාම අමුතු ගඳක් එනවා. මේවා කෙලින්ම බලපාන්නේ හදවතට සහ ලේ නහරවලට (Cholesterol).
2. ඇසට නොපෙනෙන දිලීර (Aflatoxin) 🦠 ගිය අවුරුද්දේ ලංකාවම ගිනි ගත්තේ පිළිකා කාරක පොල්තෙල් ගැන ආරංචියෙන්. වේලුණු පොල් (කොප්පරා) හරියට වේලුවේ නැත්තම් ඒවගේ පුස් හැදෙනවා. මේ පුස් සහිත පොල් වලින් තෙල් හිඳ්දම ඒ විස (Aflatoxin) තෙල් වලට එකතු වෙනවා. මේක ඇහැට පේන්නේ නෑ, රත් කළාට යන්නෙත් නෑ. හැබැයි අක්මාවට කෙලින්ම විෂ වෙනවා. ඒ නිසා ප්රමිතියක් නැති, නමක් ගමක් නැති තෙල් ජාති ගේන්න එපා.
3. සරලම පරීක්ෂණය – ෆ්රිජ් එක ❄️ ඔයා ගෙනාපු තෙල් එකේ කොලිටිය බලන්න ලේසිම විදියක් තියෙනවා. තෙල් ටිකක් පොඩි වීදුරුවකට දාලා සාමාන්ය ෆ්රිජ් එකේ (Freezer එකේ නෙවෙයි) පැයක් තියන්න.
හොඳ තෙල් නම්: සම්පූර්ණයෙන්ම සුදු පාටට, ගලක් වගේ මිදෙන්න ඕන.
කවලම් නම්: තෙල් එක තට්ටු දෙකකට මිදෙන්න පුළුවන්. නැත්තම් හරියට මිදෙන්නේ නැතුව වතුර වගේ ඉතිරි වෙන්න පුළුවන්. (පාම් ඔයිල් මිදෙන්න ගොඩක් වෙලා යනවා).
4. බූලිය සහ අව්ව ☀️ පොඩි කඩවල තෙල් බූලි තියලා තියෙන්නේ අව්ව වැටෙන තැන්වල නම්, මූඩිය හරියට වහලා නැත්තම් ගන්න එපා. ඉර එළිය වැටුණම ප්ලාස්ටික් බූලියේ විස තෙල් වලට එකතු වෙනවා වගේම, තෙල් එක ඉක්මනට පරණ (Oxidize) වෙනවා.
ගෘහණියන්ට පුංචි උපදෙසක්: රුපියල් 50ක් 100ක් ලාබෙට බාල තෙල් ගේනවාට වඩා, SLS සහතිකය තියෙන, පිළිගත් බ්රෑන්ඩ් එකක බෝතල් කළ තෙල් එකක් ගන්න එක හැම අතින්ම ඇඟට ගුණයි. පුළුවන් නම් තෙල් හිඳින තැනකින්ම දන්නා අඳුනන කෙනෙක්ගෙන් ගන්න.
තෙල් ටික කියන්නේ අපේ මුළු ජීවිතේම වගේ. ඒ නිසා බාල තෙල් කාලා ලෙඩ වෙන්න එපා.
Post a Comment